قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №382

  2015 جىلعى 31 ناۋرىز, استانا قالاسى نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارىن بەكىتۋ تۋرالى «تەحنيكالىق رەتتەۋ تۋرالى» قازاقستان رەسپۋبليكاسى 2004 جىلعى 9 قاراشاداعى زاڭىنىڭ 7-بابى 20) تارماقشاسىنا سايكەس, بۇيىرامىن: 1. قوسا بەرىلىپ وتىرعان نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتى (ب.ب. قانەشەۆ): 1) زاڭنامامەن بەلگىلەنگەن تارتىپتە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسى مەن مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ «كەلىسىلدى» قازاقستان رەسپۋبليكاسىنىڭ اۋىل شارۋاشىلىعى ءمينيسترى ______________ ا.مامىتبەكوۆ 2015 جىلعى 22 ءساۋىر «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى ______________ە.دوساەۆ 2015 جىلعى 8 مامىر «كەلىسىلدى» قازاقستان رەسپۋبليكاسىنىڭ ىشكى ىستەر ءمينيسترى ______________ق.قاسىموۆ 2015 جىلعى 28 ءساۋىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 31 ناۋرىزداعى № 382 بۇيرىعىمەن بەكiتiلگەن نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارى 1. جالپى ەرەجەلەر 1. وسى نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارى (بۇدان ءارى – قاعيدالار) «تەحنيكالىق رەتتەۋ تۋرالى» 2004 جىلعى 9 قاراشاداعى № 603 قازاقستان رەسپۋبليكاسى زاڭىنىڭ 7-بابى 20-تارماقشاسىنا سايكەس ازىرلەندى جانە نورماتيۆتىك تەحنيكالىق قۇجاتتاردىڭ بىرىڭعاي قورىن (بۇدان ءارى – بىرىڭعاي قور) قالىپتاستىرۋ, جۇرگىزۋ ءتارتىبىن انىقتايدى. 2. تەحنيكالىق رەتتەۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) بىرىڭعاي قوردىڭ جۇمىسىن ۇيىمداستىرىپ, ۇيلەستىرەدى. 3. بىرىڭعاي قور مەملەكەتتىك اقپاراتتىق رەسۋرس بولىپ تابىلادى. 4. بىرىڭعاي قوردى قۇرۋدىڭ ماقساتى پايدالانۋشىلاردى تولىق, انىق جانە ۋاقتىلى اقپاراتپەن قامتاماسىز ەتۋ ءۇشىن مەملەكەتتىك ورگانداردىڭ نورماتيۆتىك تەحنيكالىق قۇجاتتارىن جانە ستاندارتتاۋ جونىندەگى وزگە قۇجاتتاردى جۇيەلەۋ بولىپ تابىلادى. 5. بىرىڭعاي قور تەحنيكالىق رەتتەۋ سالاسىندا باسقا قورلارمەن جانە شەتەل مەملەكەتتەرىنىڭ ۇيىمدارىمەن, حالىقارالىق ۇيىمدارمەن ءوزارا ءىس-قيمىل جاسايدى. 6. بىرىڭعاي قور ۇيىمداردىڭ ستاندارتتارى, ۇكىمەتتىك ەمەس ستاندارتتار مەن كونسورتسيۋم ستاندارتتارىن قوسپاعاندا, قابىلدانعان ستاندارتتار, تەحنيكالىق-ەكونوميكالىق اقپارات جىكتەۋىشتەرى جانە نورماتيۆتىك تەحنيكالىق قۇجاتتار (بۇدان ءارى-نورماتيۆتىك تەحنيكالىق قۇجاتتار) تۋرالى اقپاراتتى قامتيدى. 2. بىرىڭعاي قوردى قالىپتاستىرۋ جانە جۇرگىزۋ ءتارتىبى 7. بىرىڭعاي قوردى ۋاكىلەتتى ورگان ءوز قۇزىرەتى شەگىندە قالىپتاستىرادى. 8. بىرىڭعاي قوردىڭ قۇرامىنا: 1) ستاندارتتار (شەتەل مەملەكەتتەرىنىڭ, قازاقستان رەسپۋبليكاسىنىڭ اسكەري ستاندارتتارىنان باسقا ۇلتتىق, وڭىرلىك جانە حالىقارالىق); 2) تەحنيكالىق-ەكونوميكالىق اقپارات جىكتەۋىشتەرى (مەملەكەتتىك, ۇلتتىق, وڭىرلىك جانە حالىقارالىق); 3) نورماتيۆتىك تەحنيكالىق قۇجاتتار: ستاندارتتاۋ بويىنشا قاعيدالار, نورمالار جانە ۇسىنىمدار (ۇلتتىق, وڭىرلىك جانە حالىقارالىق); رەسمي اقپاراتتىق باسىلىمدار (كورسەتكىشتەر, كاتالوگتار); سانيتاريالىق قاعيدالار جانە گيگيەنالىق نورماتيۆتەر; ءورت قاۋىپسىزدىگى نورمالارى مەن قاعيدالارى; ادىستەمەلىك نۇسقاۋلار (قوسىمشالار), ولشەمدەردى ورىنداۋ ادىستەمەسى; تەحنيكالىق, ونەركاسىپتىك, يادرولىق جانە رادياتسيالىق قاۋىپسىزدىكتى قامتاماسىز ەتۋ جونىندەگى نورمالار مەن قاعيدالار; اۆياتسيا قاعيدالارى; ساۋلەت, قالا قۇرىلىسى جانە قۇرىلىس, تۇرعىن ءۇي قاتىناستارى جانە كوممۋنالدىق شارۋاشىلىق سالاسىنداعى مەملەكەتتىك نورماتيۆتەر; قاۋىپتى جۇكتەردى قاۋىپسىز تاسىمالداۋدى قامتاماسىز ەتۋ جونىندەگى نورمالار مەن قاعيدالار; جەر قويناۋىن قورعاۋ جانە ءتيىمدى پايدالانۋ جونىندەگى قاعيدالار; تەحنيكالىق رەتتەۋ سالاسىنداعى باسقا دا قۇجاتتار. 9. قۇجاتتى قابىلداعان ادام بىرىڭعاي اقپاراتتىق جۇيەنى قالىپتاستىرۋ ءۇشىن ءاربىر ستاندارتتى, تەحنيكالىق-ەكونوميكالىق اقپارات جىكتەۋىشىن جانە نورماتيۆتىك تەحنيكالىق قۇجاتتى قابىلداۋ تۋرالى اقپاراتتى جانە ولاردىڭ ءبىر داناسىن بىرىڭعاي قورعا جىبەرەدى. 10. نورماتيۆتىك تەحنيكالىق قۇجاتتاردى العاننان كەيىن نەمەسە نورماتيۆتىك تەحنيكالىق قۇجاتتاردى بەكىتكەننەن كەيىن ۋاكىلەتتى ورگان 10 كۇنتىزبەلىك كۇننەن اسپايتىن مەرزىمدە مەملەكەتتىك قۇپيا مەن زاڭمەن قورعالاتىن قۇپيانى قۇرايتىن مالىمەتتەردەن باسقا نورماتيۆتىك تەحنيكالىق قۇجاتتار ءماتىنىن بىرىڭعاي قور نەمەسە ۋاكىلەتتى ورگاننىڭ ينتەرنەت-رەسۋرسىندا ورنالاستىرۋدى قامتاماسىز ەتەدى. 11. مەملەكەتتىك ورگاندار وسى قاعيدالار قولدانىسقا ەنگىزىلگەن كۇننەن باستاپ 30 كۇنتىزبەلىك كۇننەن كەشىك­تىرىل­مەيتىن مەرزىمدە وسى قاعيدالاردىڭ 13-تارماعىنا سايكەس انىقتامانى قوسا بەرىپ, بۇرىن بەكىتىلگەن قولدانىستاعى نورماتيۆتىك تەحنيكالىق قۇجاتتاردى قاعاز جانە/نەمەسە ەلەكتروندى تاسىعىشتاردا ۋاكىلەتتى ورگانعا جىبەرەدى. 12 نورماتيۆتىك تەحنيكالىق قۇجاتتى بەكىتەتىن مەملەكەتتىك ورگان, مۇنداي قۇجاتتا مەملەكەتتىك قۇپيانى قۇرايتىن مالىمەتتەر بولاتىن جاعدايلاردان باسقا كەزدە نورماتيۆتىك تەحنيكالىق قۇجاتتى بەكىتۋ تۋرالى بۇيرىقتىڭ كوشىرمەسىن بەكىتىلگەن قۇجات ماتىنىمەن بىرگە جانە وسى قاعيدالاردىڭ 13-تارماعىنا سايكەس انىقتامانى قوسا وتىرىپ, ءتيىستى قۇجاتتار بەكىتىلگەننەن كەيىن 30 كۇنتىزبەلىك كۇننەن كەشىكتىرمەي قۇجاتتى بەكىتكەن مەملەكەتتىك ورگاننىڭ ءمورى قويىلعان تۇپنۇسقالاردىڭ ءبىر دانا كوشىرمەلەرى تۇرىندە قاعاز جانە/نەمەسە ەلەكتروندى تاسىعىشتاردا بەرەدى. قۇجاتتار مەن مالىمەتتەردى بەرۋدىڭ بۇل ءتارتىبى بۇيرىقپەن نورماتيۆتىك تەحنيكالىق قۇجاتقا وزگەرىستەر جانە (نەمەسە) تولىقتىرۋلار ەنگىزىلەتىن جاعدايلارعا دا قولدانىلادى. 13. انىقتاما مىناداي مالىمەتتەردى قامتۋعا ءتيىس: 1) نورماتيۆتىك تەحنيكالىق قۇجاتتى قولدانىسقا ەنگىزۋ كۇنى; 2) ازىرلەۋشى تۋرالى مالىمەت (اتاۋى, مەكەنجايى, ەلەكتروندى پوشتاسى, بايلانىس تەلەفونى/فاكسى جانە وزگە دە مالىمەتتەر). 14. مەملەكەتتىك ورگان ۋاكىلەتتى ورگانعا نورماتيۆتىك تەحنيكالىق قۇجاتتاردى تاپسىرعان كەزدە وسى قاعيدالاردىڭ 1-قوسىمشاسىنا سايكەس نىسان بويىنشا قابىلداۋ-تاپسىرۋ اكتىسى جاسالادى. 15. ەگەر نورماتيۆتىك تەحنيكالىق قۇجاتتىڭ اتاۋىن, بەلگىلەنۋىن ءدال انىقتاۋ مۇمكىن بولماسا, نورماتيۆتىك تەحنيكالىق قۇجات ءماتىنىن وقۋ قيىن بولعان كەزدە, سونداي-اق ەگەر وندا بەرىلگەن سۋرەتتەر مەن كەستەلەر انىق كورسەتىلمەسە, ۋاكىلەتتى ورگان ءتيىستى مەملەكەتتىك ورگاننان تەحنيكالىق قۇجاتتى سۇراتا الادى. 16. بىرىڭعاي قوردى جۇرگىزۋ دەگەنىمىز بىرىڭعاي قوردى اقپاراتتىق جالپى پايدالانۋ جۇيەسىن مىنا جولدارمەن جاڭارتىلعان كۇيدە ۇستاۋ پروتسەسىن بىلدىرەدى: 1) نورماتيۆتىك تەحنيكالىق قۇجاتتاردىڭ قاعاز نۇسقالارىن تسيفرلاۋ; 2) بىرىڭعاي قوردىڭ جويىلعان, اۋىستىرىلعان جانە كۇشىن جويعان نورماتيۆتىك تەحنيكالىق قۇجاتتارىن بىرىڭعاي قوردىڭ انىقتامالىق-بيبليوگرافيالىق دەرەكتەر بازاسىنان شىعارىپ تاستاۋ; 3) بىرىڭعاي قوردىڭ انىقتامالىق-بيبليوگرافيالىق دەرەكتەر بازاسىن جاڭا قۇجاتتارمەن تولىقتىرۋ. 17. مەملەكەتتىك ورگان قۇجاتتى قاعاز نۇسقادا بەرگەن جاعدايدا نورماتيۆتىك تەحنيكالىق قۇجاتتى تسيفرلاۋدى ۋاكىلەتتى ورگان جۇرگىزەدى. 18. ۋاكىلەتتى ورگان كەلىپ تۇسەتىن نورماتيۆتىك تەحنيكالىق قۇجاتتار دەرەكتەرى نەگىزىندە بىرىڭعاي قوردىڭ انىقتامالىق-بيبليوگرافيالىق دەرەكتەر بازاسىن جۇرگىزەدى. انىقتامالىق-بيبليوگرافيالىق دەرەكتەر بازاسىن (بۇدان ءارى – دەرەكتەر بازاسى) جۇرگىزۋ: 1) دەرەكتەر بازاسىنا نورماتيۆتىك تەحنيكالىق قۇجاتتاردى جانە ولار تۋرالى مالىمەتتەردى (بەلگىلەنۋى, اتاۋى جانە وزگە دە مالىمەتتەر); 2) دەرەكتەر بازاسىنا ازىرلەۋشى تۋرالى مالىمەتتەردى ەنگىزۋدى قامتيدى. 19. دەرەكتەر بازاسىن تولتىرۋ بىرىڭعاي قوردىڭ جالپى قولدانىستاعى اقپاراتتىق جۇيەسى ارقىلى جۇزەگە اسىرىلادى. 20. دەرەكتەر بازاسىنا ەنگىزىلگەن نورماتيۆتىك تەحنيكالىق قۇجاتتىڭ قولدانىلۋ مەرزىمى اياقتالعان جاعدايدا مەملەكەتتىك ورگان قۇجات قولدانىلۋىنىڭ جاڭا مەرزىمدەرىن كورسەتە وتىرىپ, جاڭارتىلعان قۇجاتتى نەمەسە ەگەر قۇجات كۇشىن جويعان دەپ تانىلسا, قۇجاتتى جويۋعا قويۋ تۋرالى اقپاراتتى ۋاكىلەتتى ورگانعا جىبەرەدى. 21. نورماتيۆتىك تەحنيكالىق قۇجاتتىڭ ءاربىر وزگەرىسى, قولدانىلۋ مەرزىمىنىڭ ۇزارتىلۋى, قولدانىلۋ مەرزىمىنە شەكتەۋدىڭ الىنۋى, نورماتيۆتىك تەحنيكالىق قۇجات قولدانىسىنىڭ توقتاتىلۋى بويىنشا نورماتيۆتىك تەحنيكالىق قۇجاتتى جاڭارتۋدى مەملەكەتتىك ورگاندار ءوز قۇزىرەتى شەگىندە جۇزەگە اسىرادى. 22. مەملەكەتتىك ورگاندار ءوزارا ءىس-قيمىل جاساۋ ماقساتىندا وسى قاعيدالاردىڭ 2-قوسىمشاسىنا سايكەس بىرىڭعاي مەملەكەتتىك قورمەن ءوزارا ءىس-قيمىلدى جۇزەگە اسىراتىن قورلار تۋرالى مالىمەتتەردى ۋاكىلەتتى ورگانعا بەرەدى. 23. مەملەكەتتىك ورگانداردىڭ بىرىڭعاي قوردى پايدالانۋى تەگىن نەگىزدە جۇزەگە اسىرىلادى. نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارىنا 1-قوسىمشا نىسان قابىلداۋ-تاپسىرۋ اكتىسى مەملەكەتتىك ورگاننىڭ اتىنان __________ جانە ۋاكىلەتتى ورگاننىڭ اتىنان ____________ مىنا نورماتيۆتىك تەحنيكالىق قۇجاتتاردى قابىلداۋ-تاپسىرۋدى جۇزەگە اسىردى. ر/س № اتاۋى ەسكەرتپە (ەلەكتروندى/قاعاز نۇسقاسى) سانى تاپسىردى ________________________ (مەملەكەتتىك ورگان وكىلى) ءمور ورنى (بولعان جاعدايدا) قابىلدادى _______________________ (ۋاكىلەتتى ورگان وكىلى) ءمور ورنى (بولعان جاعدايدا) نورماتيۆتىك تەحنيكالىق قۇجاتتاردىڭ بىرىڭعاي مەملەكەتتىك قورىن قالىپتاستىرۋ جانە جۇرگىزۋ قاعيدالارىنا 2-قوسىمشا نىسان بىرىڭعاي مەملەكەتتىك قورمەن ءوزارا ءىس-قيمىلدى جۇزەگە اسىراتىن قورلار تۋرالى مالىمەتتەر مەملەكەتتىك ورگاننىڭ نەمەسە ۇيىمنىڭ اتاۋى تولىق قىسقاشا مامانداندىرىلعان قوردىڭ نەمەسە قوردىڭ اتاۋى پوشتالىق مەكەنجايى ەلەكتروندىق پوشتاسى تەلەفون/فاكس ءوزارا ءىس-قيمىلدى جۇزەگە اسىراتىن بايلانىس تۇلعاسى تەگى اتى اكەسىنىڭ اتى دەرەكتەمەلەرى تەلەفونى قىزمەت سالاسى اقپاراتتىڭ دۇرىستىعىنا مىنا تۇلعا جاۋاپتى بولادى تەگى اتى اكەسىنىڭ اتى كۇنى باسشى ___________ ءمور ورنى (بولعان جاعدايدا) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 18 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11388 بولىپ ەنگىزىلدى.